التواهان

لما يروح العقل بعيد عن فكرة اكبر منه. لما يخاذنا الخيال لمكان بعيد جدا عن مكاننا و لما تحاصرنا مشاعر القلق و الخوف و تفضل تفكر و تقلب في الامور من جميع الجهات مرة و مرتين و عشرة . ولما يتوه العقل في دهاليز مظلمة و لما تحس انك في عالم غريب بس جوانا داخل نفسنا . وان الاشخاص اللي حواليك و قريبين منك غراب عنك

ولما تلاقي الحالة دى ملازمة لينا و العقل في حالة توهان مستمرة و يبقي الازعاج و حالة الجري و السربعة عمالة تصرخ

و راسك بتون من الحال دي

.يبقي عمرنا محنعرف نفسنا ابدا الا لما نوقف الصراخ الداخلي.

بس السؤال المهم اوقفه ازاي؟ ازاي حد ممكن يتوه عن نفسه و ما يبقاش عارف يلاقيها انا حاسة ان توهت عن نفسي و مبقتش عارفاها ولا لاقياها .لنا عارفة اذا كنت مبسوطة ولا حزينة و لا عارفة عايزة ايه من نفسي او من حياتي و شايفاها بتمر قدامي و انا بتفرج عليها و سايباها تضيع مني فى الزحمة لحد ما بقتش عارفة انا مين و لا حتي فين. اهو امبارح فات و راح و بكرة لسة مجرد خيال و ماعرفوش ولا عارفة مخبيلى ايه و اديني بحاول افكر فى النهاردة فى اليوم اللي انا عايشاه لان النهاردة هو المهم مش بكرة و لا امبارح.لان امبارح مش هاقدر ارجعه و ابتديه من جديد لكن اقدر ابتدي النهاردة من جديد و اعمل نهاية جديدة لبكرة لحياتي . و عمالة اقول لنفسى ابتدى حياتك النهاردةالأنك مش ضامنة بكرة فيه ايه خليكى هنا دلوقتي ركزى و عيشى الوقت بوقته متقلقيش من بكرة و ما تبكيش علي الماضى و اللي راح متخليش حياتك تفوت منك و تسرسب وانتي بتفرجي عليها. أهوه يوم جديد عيشى و اتمرنى علي النهاردة و دلوقتي اهو علي الاقل مضمون و انا لسة بتنفس و عايشة ركزيما تفوتيش الفرصة دي و ما توهيش عن نفسك. انا راحة فين ؟ انا عمالة اسأل نفسي راحة فين؟ السؤال مش غريب و لا الفكرة؟ بس المشكلة اني فعلا مش عارفة انا راحة فين!!! صعب جدا ان الواحد ميبقاش عارف هو رايح فين !!!!!!!! طيب هاسيب مخي و عقلي يرسم طريقه بنفسه و اهي حتي فرصة يفكر لوحده و ارحمه من الضغط عليه و اسيبه يمشي مطرح ما هو عاوز و ابدأ رحلتي من المجهول الى المجهول عبر طريق مجهول لا يعرفه الا ذهني و عقلي و يرفض ان يطلعني عليه يمكن ب ساعتها اكسر الحاجز اللي قافلني و اخرج من حالة التوهان دى شكله هايبقي طريق و مشوار طريل,اهه يا مشوار دلوقتي بفلوس أخر السكة يبقي ببلاش ................................................................ هانزل اشوف يومي هاويديني فين النهاردة ؟ ويمكن الاقي نفسي في الطريق و اترحم من حالة التوهان دي لاني بجد تعبت